Usa ka indibidwal ang boluntaryong misurender sa kapulisan sa iyang improvised shotgun atol sa gipahigayon nga Police Presence Operation sa Barangay San Miguel, lungsod sa Liloy, Zamboanga del Norte niadtong nakalabayng adlaw.
Ang maong operasyon gipangulohan sa mga personahe sa Liloy Municipal Police Station (MPS) uban sa 2nd Zamboanga del Norte Provincial Mobile Force Company.
Tungod sa nasangpit nga kalihokan, usa ka individual ang misurender sa usa (1) ka improvised shotgun nga wala’y lisensya ug wala’y klarong marka.
Matod sa kapulisan, ang kalampusan sa operasyon nagpakita sa ilang lig-on nga pagpaningkamot sa pagpangita sa mga wanted personalities ug sa pagpugong sa paglapas sa balaod, ilabina na sa kampanya kontra loose firearms.
Nagpahinumdom usab ang kapulisan sa publiko nga ang boluntaryong pagsurender sa armas nga walay permit usa ka dakong lakang aron malikayan ang posibleng kaso ug aron mapalig-on ang kalinaw ug seguridad sa komunidad.(Jumalisa Papa)
Source: Liloy MPS