Sikop ang usa alyas “CAFGU” sa gipahigayon nga Drug Buy Bust Operation nga gikasa sa hiniusang kusog sa Dipolog City Police uban sa ZN 1ST PMFC, PIU-ZNPPO , RID 9 didto sa School Zone , Upper Turno ning dakbayan sa Dipolog sa may alas 5:30 sa hapon Agosto 19, 2022.
Naila ang suspek nga si Enrile “Cafgu” Ponggan Sr. (reloaded) 39 anyos, mananagat ug taga Barangay Olingan ning siyudad.
Nakumpiska gikan sa suspek mao ang mosunod tulo (3) ka gagmayng ug 1 ka dagkong heat-sealed transparent sachet nga adunay sulod nga gidudahang shabu nga gibana- banang motimbang og 4 gramos ug nagkandidad sa P 27 ,200 ka pesos , (1) ka piraso nga 1000 peso bill nga gigamit isip buy-bust money, (1) ka piraso sa 200 peso bill isip proceeds money ug usa ka lighter.
Ang maong nakumpiska nga iligal drugs ang gidala sa Zamboanga del Norte Crime Lab.
Samtang kasong pagsupak sa Sec. 5 ug 11 sa RA 9165 ang giandam na kaso batok sa maong suspetsado.
Si alyas “Cafgu” gibalhog na karon sa lock up facility sa Dipolog City Police Station alang sa tukmang disposasyon. ZORAYDA EVA MUSTARIL.