Sikop sa gipahigayung joint manhunt charlie operation batok ang usa ka lalaki nga adunay kasong rape, kaniadtung Marso 15, ning tuiga sa may alas 3:30 ang takna sa kahapunon sa Purok 2, Barangay Dinasan, Jose Dalman, Zamboanga del Norte.
Giila ang na sikop nga us aka Jerniben Demoser Bag-ot alyas “Jay-ar”, 29 anyus, single, mag-uuma ug temporaryong lumulupyo sa Purok 2, sa nahisgutang barangay, lungsod sa Jose Dalman.
Ang maong pagsikop gipanguluhan sa PNP Katipunan Municipal Police Station (MPS) sa pag panguna ni Police Chief Master Sergeant (PCMS) Fernando S. Gomolon Jr., inabagan sa personnel sa Jose Dalman Municipal Police Station (MPS) pinanguluhan ni Police Staff Sergeant Jenmar A. Banecer.
Ang maong lalaki nga giila nga anaa sa top 9 most wanted person (Municipal level) nga gi isyuhan ug warrant of arrest ni Hon. Judge Jose Rene G. Dondoyano, sa Regional Trial Court, Region 9 sa may Branch 7, Dipolog City, Zamboanga del Norte kaniadtung Hunyo 2, 2020.
Ang maong dinakpang wanted person gi dala sa Rural Health Unit (RHU) Katipunan para sa Medical examination ug gi dala dayun kini sa Katipunan Municipal Police Station para sa igong dukomentsyon ug tukmang disposisyon. (Rigin Rusiana)