Gipahigayon sa Barangay Balakan, Salug ang PhilHealth Konsulta Program nga naghatag og libreng konsultasyon sa katawhan aron masiguro nga matag residente makadawat og kalidad ug aksesibleng primary healthcare, lakip na ang libreng PhilHealth registration ug updating.
Nagpasalamat ang mga residente kang Municipal Mayor Dr. Ruth M. Brillantes sa iyang padayon nga suporta sa mga medikal nga programa, ug kang Municipal Health Officer Dr. Mery Jean Bendijo sa pagpanguna sa kalihukan uban sa RHU staff ug lokal nga panggamhanan sa barangay. Padayon ang paningkamot sa Salug nga magtukod og mas himsog ug mahigugmaong komunidad.(JENIFFER JR. DELICA)