Sa pagpanguna ni Mayor Joel M. Ventura, gipahigayon sa lokal nga pangagamhanan sa Sibuco ang kulminasyon sa ika-28 nga Indigenous Peoples’ Rights Act (IPRA) Month niadtong Oktubre 31, 2025, aron pasidunggan ug ipakita ang makalingaw nga kultura ug kabilin sa mga Lumad.
Ang kalihokan, nga gimugna pinaagi sa Municipal Tourism Office ubos ni Tourism Officer Designate Johnmar A. Jaipuddin, uban sa SB Tourism Chair Junelyn Ruiz, Hon. Jeng Caril, ug IPMR Ahmad Tangkapa, gipakita ang panaghiusa sa LGU, nasyonal nga ahensya, mga opisyal sa barangay, ug tri-people sa Sibuco.
Gisalmotan usab kini ni Engr. George T. Jucutan, OIC sa NCIP IX – Zamboanga City ug Basilan, nga mipasidungog sa dedikasyon sa lungsod sa pagpanalipod ug pagpalambo sa kultura sa mga Lumad. Matud pa niya, ang paningkamot sa lungsod sa pagpreserbar sa kabilin ug katungod sa mga Lumad usa ka inspirasyon.
Si Mayor Ventura mipadayag usab sa iyang padayon nga suporta sa mga Lumad, ug mitutok sa pagtukod ug inclusive ug respetadong komunidad diin mapreserbar ang ilang kultura ug katungod alang sa mga sumusunod nga henerasyon.
Ang selebrasyon sa IPRA Month sa Sibuco mipakita sa bahandi sa kultura sa mga Lumad ug nagpahinumdom sa kahinungdanon sa pagpanalipod sa ilang katungod ug kabilin.(IKEN GULLEM)
Photo courtesy: Zamboanga del Norte Provincial News Network