Gidagsa sa mga residente ang mga sementeryo sa dakbayan sa Dipolog kagahapon, Nobyembre 1, 2025, aron sa paghinumdom ug paghalad og pag-ampo alang sa ilang mga minatay atol sa pagsaulog sa Kalag-Kalag.
Ang Dipolog Catholic Cemetery ug Dipolog Memorial Gardens napuno sa mga tawo nga nagdala og kandila, bulak, ug mga pagkaon samtang nag-ampo alang sa kalinaw sa kalag sa ilang mga hinigugma.
Mapasidungogon ug malinawon ang tibuok adlaw nga pagsaulog, diin gipakita sa mga Dipolognon ang padayong tradisyon sa pagmahal ug paghinumdom sa mga namatay.(JENIFFER JR. DELICA)
Source/Photo Courtesy: Dipolog City Government