Gipalig-on sa lokal nga pangagamhanan sa Gutalac, Zamboanga del Norte uban sa pagpanguna sa Municipal Disaster Risk Reduction and Management Office (MDRRMO) ang kahandaman ug abilidad sa mga lokal nga rescuers pinaagi sa Mountain Search and Rescue Training nga nagtinguha sa pagpalig-on sa ilang kahibalo ug kahanas sa pagtubag sa emerhensiya, ilabi na sa mga kabukiran ug lisod maabot nga dapit sa lungsod.
Ang pagbansay gipangulohan ni Engr. Rolando Ortiz, hepe sa MDRRMO, ug naglakip sa mga praktikal nga aktibidad ug simulation exercises aron mapalawom ang kasinatian sa mga partisipante sa pagluwas sa mga biktima sa kalamidad o aksidente.
Pinaagi sa maong inisyatiba, gipakita sa LGU Gutalac ang lig-on nga paningkamot sa pagpangandam ug pagpanalipod sa katawhan batok sa mga kalamidad. Gipaabot usab niini ang padayon nga suporta sa mga rescuers nga mao ang unang linya sa pagserbisyo sa panahon sa emerhensiya nga andam, abtik, ug alisto sa pagluwas sa kinabuhi.(IKEN GULLEM)
Photo courtesy: LGU Gutalac- Public Information