Gipadayon sa Department of the Interior and Local Government o DILG Dipolog ang pagpatuman sa KP CARE initiative aron mapalig-on ang implementasyon sa Katarungang Pambarangay sa mga barangay sa dakbayan.
Pinaagi sa maong programa, gipalambo ang kahibalo ug kapasidad sa mga Punong Barangay isip Lupon Chairpersons, Lupon Secretaries ug mga miyembro sa Lupong Tagapamayapa sa husto ug epektibong pagdumala sa mga kasong pangbarangay.
Padayon usab nga naghatag ang DILG Dipolog og teknikal nga tabang, giya ug suporta aron masiguro nga andam ug episyente ang mga opisyal sa barangay sa pagtuman sa ilang mga responsibilidad ubos sa Katarungang Pambarangay Law.
Gitumong sa KP CARE ang pagsusi sa pagsunod sa mga pamaagi sa Katarungang Pambarangay, pag-evaluate sa pagdumala sa mga kaso, paghatag og dugang nga orientasyon kung gikinahanglan, ug pagpalig-on sa malungtarong implementasyon sa programa.(JENIFFER JR. DELICA)
Source: DILG Dipolog