Nakapahimulos ang mga residente sa Salug sa nagkalain-laing serbisyo sa PhilHealth atol sa PhilHealth Caravan nga gipahigayon niadtong Hulyo 15 ug 16 pinaagi sa panagtambayayong sa Lokal nga Panggamhanan sa Salug ug sa PhilHealth.
Lakip sa mga serbisyong gihatag ang membership registration, pag-update sa Member Data Record o MDR, konsultasyon ug uban pang serbisyo aron mas mapadali ang pag-angkon sa mga benepisyo sa PhilHealth.
Gitumong sa maong caravan ang pagpalapad sa kahibalo sa publiko kabahin sa mga programa sa PhilHealth ug pagpasayon sa pag-avail sa mga serbisyo niini pinaagi sa pagduol sa komunidad.
Gipasalamatan sa Lokal nga Panggamhanan sa Salug ang PhilHealth, mga partner agencies, stakeholders ug tanang mitambong nga mitampo sa kalampusan sa maong kalihokan.(JENIFFER JR. DELICA)
Source: Municipality of SALUG