Naghatag og tabang ang Dipolog City Police Station, sa pakigtambayayong sa Barangay Council sa Barangay Biasong, ngadto sa usa ka pamilyang nanginahanglan pinaagi sa programang “Hatid Tulong sa Tahanan, Handog ng Kapulisan.”
Gitumong sa maong inisyatiba ang paghatag og suporta sa mga pamilyang nanginahanglan, pagpalig-on sa espiritu sa pagtinabangay ug pagdasig sa sosyal nga responsibilidad sa komunidad.
Kabahin sa kalihokan ang panagtambayayong sa kapulisan ug sa lokal nga panggamhanan sa Barangay Biasong aron mas mapalapad ang pag-abot sa mga serbisyong makatabang sa mga residente.
Padayon nga gipalig-on sa Dipolog City Police Station ug sa Barangay Council sa Biasong ang ilang panag-uban aron makahatag og dugang nga serbisyo ug tabang sa mga komunidad nga nanginahanglan.(JENIFFER JR. DELICA)
Source: PNP Dipolog City Police Station