Nagpahigayon ug PARCCOM–PCIT Joint Meeting ang Department of Agrarian Reform Zamboanga del Norte uban sa lain-laing partner agencies aron palig-onon ang mga programa sa agrarian development ug market empowerment.
Gipunting sa kalihukan ang pag-renew sa marketing agreement tali sa GUIFAMUCO ug BJMP Dapitan ug Dipolog, nga nagpasiguro ug kanunay nga merkado para sa lokal nga mga mag-uuma. Gipangulohan sa mga opisyal sa DAR nga sila PARPO II Daisy Dell Suan Digamon ug Engr. Alfonso A. Tan ang panag-istoryahanay, diin ilang gi-reassure ang mga benepisyaryo sa padayon nga suporta ug koordinasyon.
Nagpakita usab ug kusog nga suporta ang partner agencies nga naglakip sa OPAG, DPWH, NIA, DOST, DTI, PCA ug TESDA, nga naningkamot sa pagpauswag sa agrikultura, negosyo, ug market linkages. Ang ilang tinabangay nagmugna ug mas lig-on nga pundo sa pagpalambo sa lalawigan.
Samtang ang BJMP mipadayag sa iyang padayon nga interes sa pagkuha ug lokal nga produkto, gipakita niini ang benepisyo sa inter-agency cooperation—nga makatabang sa ilang programa ug makahatag ug dugang oportunidad sa mga mag-uuma. Natapos ang miting uban sa paglaum nga mas paspas nga panaghiusa ug kalamboan ang anaa sa unahan.(IKEN B. GULLEM)
Source: DAR Zambonorte