Gipakusog sa Katipunan ng Kabataan (KK) sa Barangay Dilawa,Piñan Zamboanga del Norte ang partisipasyon sa mga batan-on sa barangay pinaagi sa usa ka KK Assembly, diin gihisgutan ang mga kalihokan, programa ug mga isyu nga direktang may kalabotan sa kabatan-onan nga gipahigayon niadtong Septiyembre 12, 2026.
Nahimong sentro sa asembliya ang bukas nga panaghisgot ug pagpaambit sa mga report aron mapalambo ang transparency, accountability ug aktibong pag-apil sa mga miyembro sa KK sa pagdumala sa mga programa sa kabatan-onan.
Kabahin usab sa kalihokan ,ang pag-apod-apod og jersey sa mga miyembro sa KK, nga gitumong sa pagpalig-on sa panaghiusa, teamwork ug sportsmanship sa mga batan-on.
Gipasiugda sa mga nangulo sa kalihokan nga ang maong jersey dili lamang uniporme, kondili simbolo sa panaghiusa ug aktibong pag-apil sa mga kalihokan ug programa alang sa kabatan-onan.
Gilauman nga pinaagi sa padayon nga asembliya ug mga programa sa KK, mas daghang batan-on ang madasig nga moapil sa mga kalihokan ug mahimong aktibong kaabag sa pagpalambo sa Barangay Dilawa.(MEDALYN U. BORJA)
Source: Barangay Dilawa SK