Naghiusa ang mga lider sa kabataan gikan sa 31 ka barangay sa lungsod sa President Manuel A. Roxas atol sa Linggo ng Kabataan 2026, nga nagtumong sa pagpalig-on sa ilang liderato, panaghiusa ug partisipasyon sa komunidad diin gipahigayon ang kalihokan niadtong Septiyembre 12,2026.
Ang kalihokan gihimo ubos sa pagpanguna ni Mayor Ismael A. Rengquijo Jr.,diin gipahigayon ang tibuok-adlaw nga mga kalihokan nga naglakip sa mga dula ug kompetisyon nga adunay teamwork, sportsmanship ug pagsalig sa kaugalingon sa mga batan-on.
Usa sa mga nahimong highlight sa kalihokan mao ang On-the-Spot Mr. & Ms. Linggo ng Kabataan 2026, diin gipakita sa mga batan-ong lider ang ilang talento, kaisog ug abilidad sa pagpangulo.
Samtang, gipangulohan sa Municipal Social Welfare and Development Office (MSWDO) ubos ni Alfeo Bubutan ang pag-andam sa kalihokan, uban sa suporta sa Pag-asa Youth Association of the Philippines (PYAP) ug kooperasyon sa mga opisyal sa Sangguniang Kabataan.
Gipasiugda sa mga tig-organisa nga ang maong selebrasyon nahimong plataporma aron mas mapalambo ang kapasidad sa kabatan-onan ug mapalig-on ang ilang papel isip aktibong kaabag sa pag uswag sa lungsod.(MEDALYN U. BORJA)
Source: Roxas ZamboNorte