Gidapit sa City Government of Dapitan ang mga football players, teams, clubs, ug enthusiasts sa pag-apil sa Kinabayo Festival 2026 Football Open Tournament nga ipahigayon karong Hulyo 12 sa JRMSU Football Field sa Dapitan City.
Ang torneyo magtigom sa mga koponan gikan sa nagkalain-laing lugar aron magpasundayag sa ilang kahanas, teamwork, ug sportsmanship sa usa ka aksyon-packed nga kompetisyon kabahin sa kasaulogan sa Kinabayo Festival.
Nagpahimutang og registration fee nga ₱1,500 alang sa Under 11 ug Under 9 categories, samtang ₱2,000 alang sa Under 13 ug mas taas pa nga categories. Gilauman nga daghang mga kabatan-onan ug football clubs ang moapil sa maong kalihokan.
Sumala sa mga organisador, ang torneyo dili lamang para sa kompetisyon kondili usa usab ka paagi sa pagpalig-on sa camaraderie ug sa espiritu sa sportsmanship tali sa mga partisipante ug komunidad.
Pinaagi sa maong inisyatiba, padayon nga gipakita sa Kinabayo Festival ang suporta sa pagpalambo sa sports ug paghatag og higayon sa mga atleta nga mapakita ang ilang talento sa football.(JENIFFER JR. DELICA)
Source: Dapitan City Government