Gihatagan og pag-ila ang dedikasyon ug mahinungdanong kontribusyon sa mga kawani sa City Government of Dipolog atol sa Employees’ Night nga gipahigayon niadtong Hunyo 30 sa Museo Dipolog Grounds isip kabahin sa selebrasyon sa 113th Adlaw sa Dipolog.
Gitambongan ang kalihokan nila Zamboanga del Norte Governor Darel Dexter T. Uy, Vice Mayor Senen O. Angeles, mga miyembro sa Sangguniang Panlungsod, mga opisyal sa siyudad, ug mga empleyado sa lokal nga panggamhanan.
Gipasiugda sa maong kalihokan ang importansya sa panaghiusa, kooperasyon, ug dedikasyon sa mga kawani sa padayon nga paghatag og episyente ug kalidad nga serbisyo publiko alang sa mga Dipolognon.(IKEN B. GULLEM)
Source: Dipolog City Government