Nakadawat og fishing gears ang mga kwalipikadong mangingisda sa lungsod sa Salug atol sa tigom sa Municipal Fisheries and Aquatic Resources Management Council (MFARMC), isip kabahin sa paningkamot sa lokal nga panggamhanan sa pagpalig-on sa sektor sa pangisda.
Gipangunahan ni Municipal Mayor Dr. Ruth M. Brillantes ang kalihokan uban sa mga opisyal sa lokal nga panggamhanan ug mga representante sa fisheries sector.
Tumong sa maong programa ang paghatag og angayng kagamitan aron mapalambo ang panginabuhian ug produksyon sa mga lokal nga mangingisda, samtang gipasiugda usab ang responsable ug malungtarong pagdumala sa mga kahinguhaan sa katubigan.
Kini nga kalihokan kabahin sa padayon nga suporta sa lokal nga panggamhanan sa kaayohan sa mga mangingisda ug sa pagpalambo sa industriya sa pangisda sa lungsod.(IKEN B. GULLEM)
Source e: Municipality of Salug