Nagpatuman ang Katipunan Municipal Fire Station Shift B personnel, kauban si FINSP Richard A. Parame, Acting Municipal Fire Marshal, MDRRMO, ug PNP personnel, og espesyal nga rescue operation aron ma-evacuate ang mga residente sa Murayaw, Brgy. Dos, Katipunan, Zamboanga del Norte, tungod sa pagbaha. Gigamit ang patrol car aron tabangan ang 23 ka pamilya o kapin sa 388 ka indibidwal.
Pag-abot sa lugar, dali nga nakig-coordinate ang mga responders sa mga barangay officials, PNP, ug MDRRMO ug gisusi ang sitwasyon aron masiguro ang hapsay nga evacuation.
Pagkahuman sa operasyon, mikunhod ang tubig sa komunidad ug mibalik ang mga responders sa ilang quarters sa madali nga panahon, nga nagpakita sa kalig-on ug koordinasyon sa lokal nga rescue teams.(JENIFFER JR. DELICA)
Source:BFP R9 Katipunan Fire Station