Gipahigayon niadtong Nobyembre 18, 2025 ang 4th leg sa Maritime Safety Culture Awareness Campaign Caravan sa D’Food Hub and Events Center sa Dipolog Boulevard, pinaagi sa Maritime Industry Authority (MARINA) ug Department of Transportation (DOTr) kauban ang City Government of Dipolog.
Gipangulohan ang kalihokan ni MARINA Region IX Regional Director Engr. Jedini Nur A. Sibal ug Dipolog City Mayor Roberto Y. Uy, uban nila Executive Assistant IV Marilou Y. Calibo nga mipuli sa Zamboanga del Norte Governor Darel Dexter T. Uy, Philippine Ports Authority (PPA) Manager Engr. Subanrio Lim, ug Philippine Coast Guard (PCG) Dipolog Sub-Station Commander LTJG Allan Joel R. Timbal Jr. Mitambong usab ang City Administrator Atty. Valerie Hope Jauculan-Flores, City Agriculturist Engr. Kerr N. Porlas, ug mga representante sa maritime schools, fisherfolk groups, ug ubang maritime stakeholders.
Gipalawom sa tema nga “Ligtas B’yaheng Dagat” ang kampanya pinaagi sa motorcade ug town hall meeting nga mituki sa vessel safety compliance, port operations, ug kahimtang sa maritime sector, samtang nagpabilin ang MARINA ug DOTr sa ilang paningkamot alang sa luwas, kasaligan, ug episyenteng pagbiyahe sa kadagatan.(JENIFFER JR. DELICA)
Source/Photo Courtesy: Dipolog City Government