Gihisgutan ang kataposang mga pagpangandam alang sa Dipolog Marathon 2026 atol sa coordination meeting nga gipahigayon niadtong September 11 sa Social Hall sa Museo Dipolog, Dipolog City.
Nakatakdang ipahigayon ang marathon sa October 4, 2026, diin gilauman ang aktibong partisipasyon sa mga atleta ug mga stakeholder.
Gipangulohan ang miting ni City Councilor Hon. Harrison T. Young, uban sa pagtambong ni City Legal Officer Atty. Goldie Love P. Gonzales, mga miyembro sa Trisome Dipolog, mga event organizer, mga representante gikan sa nagkalain-laing opisina sa City Government, ug uban pang stakeholders.
Gipunting sa mga partisipante ang mga kinahanglanon sa preparasyon, koordinasyon, seguridad, ug uban pang detalye nga gikinahanglan aron masiguro ang hapsay ug malampusong pagpahigayon sa maong marathon.
Pinaagi sa maong kataposang coordination meeting, gipalig-on ang panagkoordinar sa nagkalain-laing grupo ug ahensya nga nalambigit sa kalihokan isip pagpangandam alang sa Dipolog Marathon 2026.(IKEN B. GULLEM)
Source: Dipolog City Government