Kabahin sa Ayuda Medikal Plus Medical Mission and Service Caravan sa Barangay Milidan, Baliguian ang pagpahigayon og veterinary services alang sa mga hayop nga giatiman sa mga residente.
Atol sa kalihokan, gihatagan og vitamin supplementation ug deworming services ang nagkalain-laing klase sa hayop, lakip ang mga baka, carabao, kanding, karnero, baboy, manok, iro, iring, itik, ug pabo.
Mikabat sa 1,804 ka hayop ang nakadawat og vitamins, samtang 1,774 ka hayop ang na-deworm isip kabahin sa pagmintinar sa ilang kahimsog ug paglikay sa mga sakit.
Apil usab sa veterinary activity ang pagbakuna sa siyam ka iro ug usa ka iring, aron mapanalipdan ang mga binuhi batok sa mga sakit nga mahimong malikayan pinaagi sa vaccination.
Pinaagi sa maong veterinary activity, natagaan og higayon ang mga residente nga mapaatiman ang kahimsog sa ilang mga hayop nga kabahin sa ilang panginabuhi ug adlaw-adlaw nga kinabuhi.
Ang serbisyo nagpakita usab sa tumong sa medical mission nga makahatag og mas komprehensibong serbisyo sa komunidad pinaagi sa pag-apil sa kahimsog ug kaayohan sa mga hayop.(IKEN B. GULLEM)
Source: Provincial Governments of Zamboanga del Norte