Pormal nga gibuksan ang kasaulogan sa “Linggo nga Kabataan”, Agosto 7, 2023, sa may kapin kon kulang alas 3:30 ang takna didto sa Orchid Pavilion, Plaza Magsaysay, ning siyudad.
Nahimong mabolokon ang pagpahigayon sa hamubong programa tinambongan nila ni City Mayor Darel Dexter T. Uy, kinsa mipabati sa iyang Inspirational Message, City Councilor Marilou Calibo, nga mihatag sa Opening Remarks, samtang si SK Federation President, Mandel Zoe Lugasan mao ang mipabati sa Closing Remarks.
Ang maong programa gisaksihan sa mga kabatan-onan gikan sa mga nagkalain-laing kabaranggayan palibot ning siyudad.
Sa maong programa, gipasundayag ang usa ka video presentation nga nagpakita sa nahimong mga kalamposan sa Sangguniang Kabataan ug ubang mga kahugpungan sa mga kabantan-onan dinhi sa dakbayan.
Dugang usab nga nasayran atol sa maong programa, gihimo ang “Recognition of Service Awardees 21 SKs” pinaagi ni Mayor Darel Dexter T. Uy, ug ang “Mugna Awarding Ceremony” alang sa nga nagpakadaug nga mga Youth Organizations dinhi sa siyudad pinaagi nila ni City Social Welfare and Development Officer, Arlene Jatico ug Mayor Darel Dexter T. Uy.
Ang kasaulogan sa Linggo ng Kabataan karong tuiga nagdala sa tema nga “GREEN SKILLS FOR THE YOUTH. TOWARDS A SUSTAINABLE WORLD.”
Source: DIPOLOG CITY GOVERNMENT Facebook page