Mas mabulokon ang kasaulogan sa Dapitan City Fiesta karong Hulyo 25 human gikumpirma sa City Government of Dapitan ang pag-salmot sa Kapuso artists nga sila Rayver Cruz ug Julie Anne San Jose sa Grand Fiesta Show.
Kabahin ang maong pasundayag sa mga kalihokan sa Kinabayo Festival 2026 ug sa pagsaulog sa pista agig pagpasidungog kang Saint James the Greater.
Gilauman nga mapundok ang mga Dapitanon ug mga bisita gikan sa nagkalainlaing lugar aron makigbahin sa gabii nga puno sa musika, kalingawan, ug paghiusa sa komunidad.
Pagahimoon ang Grand Fiesta Show alas-7 sa gabii sa Hulyo 25 sa Dapitan City, diin gidapit sa lokal nga pangagamhanan ang tanan nga moapil sa maong kasaulogan.(IKEN B. GULLEM)
Source: Discover Dapitan