Nagtingkagol karon sa prisohan ang usa ka wanted sa kasong VAWC atol sa gipatoman nga hiniusang manhunt operation sa mga personahe sa kapulisan mga 9:59 ang takna sa buntag niadtong Hulyo 13, 2026, didto sa Barangay Poblacion Alto, Sergio Osmeña, Zamboanga del Norte.
Ang maong dinakpan nga wanted person naila nga usa ka 56 anyos nga lalaki kinsa wanted person tungod sa paglapas sa Section 5(h) sa Republic Act No. 9262, o nailhan usab nga Anti-Violence Against Women and Their Children Act of 2004.
Ang pagkadakop sa wanted peson gihimo sa mga personahe sa Sergio Osmeña Municipal Police Station (lead unit) uban sa 1st ZNPMFC ug sa 901st Regional Mobile Force Battalion 9 (901st RMFB 9) pinasikad sa Warrant of Arrest nga gi-isyu niadtong Hulyo 10, 2026 sa Regional Trial Court, 9th Judicial Region, Branch 3, Dipolog City, nga adunay girekomendar nga piyansa nga P72,000.00.
Ang dinakpan gipahibalo sa kinaiya sa iyang pag-aresto, ug mga katungod sa konstitusyon sa pinulongan nga iyang nasabtan pag-ayo ug dad-on sa medical facility alang sa pisikal nga eksaminasyon ug karon ana-a na sa kustodiya sa Sergio Osmeña Municipal Police Station alang sa hustong disposisyon.(MEDALYN U. BORJA)
Source: ZNPPO