SALUG, Zamboanga del Norte — Malampusong gipahigayon sa Salug Municipal Police Station (MPS), pinaagi kang Pat. Dennis B. Dangaton ug ubos sa liderato ni PMAJ Alexie A. Palisoc, ACOP, ang Barangay Anti-Drug Abuse Council (BADAC) Meeting sa Barangay Canawan.
Tumong sa maong inisyatiba nga mapalig-on ang kooperasyon tali sa mga lider sa komunidad ug kapulisan aron mas epektibong mapadayon ang kalinaw ug kahapsay sa lugar, samtang gipakusgan ang kampanya batok sa ilegal nga droga.
Sa maong tigum, gihisgutan ang mga estratehiya ug programa nga magpalig-on sa preventive measures, information drive, ug community engagement aron masiguro ang usa ka drug-free nga barangay.
Nagpabilin ang tinud-anay nga serbisyo sa Salug MPS sa pag-alagad ug pagpanalipod sa katawhan pinaagi sa padayon nga pakig-uban sa komunidad.(JENIFFER JR. DELICA)
Source: SALUG Municipal Police Station