Nakaseguro ang Piñan Municipal Police Station og usa ka improvised shotgun nga walay bala human boluntaryong gitunol sa usa ka residente sa Barangay Dionum, lungsod sa Piñan.
Nahimo kini atol sa Oplan Katok nga kalihukan sa Piñan MPS, kabahin sa padayon nga paningkamot sa kapulisan batok sa loose firearms ug aron mapalig-on ang kalinaw ug kahusay sa komunidad.
Sumala sa kapulisan, ang maong boluntaryong pagsurrender dakong tabang sa pagpakunhod sa peligro ug hulga sa kaluwasan sa katawhan, ug nagpakita sa kooperasyon sa komunidad sa programa sa PNP alang sa mas malinawon nga lungsod.(JENIFFER JR. DELICA)
Source: Piñan Municipal Police Station