Padayon ang Katipunan Municipal Police Station sa pagpatuman sa Food Security for Peace and Development Program sa PRO9 pinaagi sa aktibong pag-atiman ug pagpananom sa usa ka community vegetable garden nga nagasuporta sa lokal nga tinubdan sa pagkaon.
Ubos sa pagdumala ni Police Captain Rommel John B Sabas, Officer-In-Charge sa Katipunan MPS, ang inisyatiba nagtumong dili lang sa pagpalig-on sa food sustainability kondili usab sa pagdasig sa praktikal ug responsable nga pamaagi sa komunidad alang sa kaugmaon. Ang tanom nga gulayan gilauman nga makatabang sa panginahanglan sa katawhan ug makahatag og dugang kahibalo sa husto nga pagpananom.
Pinaagi sa hiniusang paningkamot sa kapulisan ug komunidad, mas napalalom ang pagsalig, panaghiusa, ug kooperasyon tali sa duha ka sektor. Ang programa nagpakita nga ang kalinaw ug kalamboan mas lig-on kung ang seguridad ug kaayohan sa pang-adlaw-adlaw nga panginahanglan sa katawhan ginahatagan og bili.(JENIFFER JR. DELICA)
Photo Courtesy: Katipunan Municipal Police Station ZNPPO