Gipalig-on sa Department of the Interior and Local Government o DILG ug sa Lokal nga Panggamhanan sa Gutalac ang ilang panagtambayayong sa wala pa ang turnover ceremony sa Water System ug Multi-Purpose Youth Center projects niadtong Hulyo 16.
Atol sa courtesy visit kang Mayor Eddie Justin Quimbo, gipangulohan ni DILG Provincial Director Mario Baterna ug mga personnel sa DILG Regional Office IX ang panaghisgot kabahin sa padayon nga koordinasyon aron masiguro ang malampusong pagpatuman sa mga proyekto nga direktang makahatag og kaayohan sa mga Gutalacnon.
Gipasiugda sa duha ka panig nga ang lig-on nga panag-uban sa nasyonal ug lokal nga panggamhanan maoy yawe sa paghatag og mas epektibong serbisyo ug sa pagpatuman sa mga programang nagtubag sa panginahanglan sa komunidad.
Nagpasalamat si Mayor Eddie Justin Quimbo sa padayon nga suporta ug paggiya sa DILG sa mga programa ug proyekto sa munisipyo, samtang gipadayag usab ang padayon nga paningkamot sa duha ka opisina sa pagpalambo sa serbisyo publiko ug kalamboan sa Gutalac.(JENIFFER JR. DELICA)
Source: LGU Gutalac- Public Information