Gipalig-on sa kapolisan ang police visibility ug community engagement sa Potungan National High School sa Barangay Potungan, Dapitan City pinaagi sa school visitation ug dialogue uban sa mga estudyante ug teaching personnel.
Gipahigayon sa mga personnel sa 1st Zamboanga del Norte Provincial Mobile Force Company (1st ZNPMFC), 2nd FOB Platoon, ang maong kalihokan diin miapil usab sila sa Flag Raising Ceremony sa eskwelahan.
Gipunting sa mga diskusyon ang mga isyu sa seguridad sa sulod ug palibot sa eskwelahan, lakip ang mga paagi sa pagpalig-on sa koordinasyon tali sa kapulisan, mga estudyante ug mga magtutudlo.
Pinaagi sa direktang pakig-dialogue sa school community, gitumong sa kapulisan nga mas mapalambo ang pagsinabtanay ug pagsalig tali sa police ug publiko, samtang mapadayon ang luwas ug malinawon nga palibot alang sa pagkat-on.
Kabahin ang maong kalihokan sa padayong paningkamot sa 1st ZNPMFC sa crime prevention, police visibility ug proactive public safety pinaagi sa suod nga pakigtambayayong sa mga institusyong pang-edukasyon.
Gipasiugda sa unit nga ang padayong koordinasyon tali sa kapulisan ug mga eskwelahan importante sa pagmintinar sa kalinaw, kahapsay ug seguridad sulod sa ilang Area of Responsibility.(IKEN B. GULLEM)
Source: PNP Zamboanga del Norte 1st Provincial Mobile Force Company