Usa ka hiniusang operasyon sa mga kapolisan sa Police Regional Office 9 (PRO 9), inubanan sa koordinasyon sa Zamboanga del Norte Provincial Intelligence Unit ingon man sa Leon B. Postigo Municipal Police Station, nakasakmit ug kapin sa P7.7 milyones nga kantidad sa smuggled nga sigarilyo, Enero 14, 2025 didto sa Barangay Poblacion, Leon B. Postigo Zamboanga del Norte.
Atol sa maong operasyon Nasikop duha ka suspek nga nagpangidaron sa 29 anyos, lalaki ug usa ka driver ug 47 anyos nga kauban niini usab niini. Apil sa nakompiska mao ang 136 ka mga case sa nagkalain-laing brand sa sigarilyo, lakip ang Fort, Berlin, Soda, ug San Diego.
Ang sakyan nga maoy gituhuang gikargahan ug gigamit isip transportasyon sa mga kontrabando, ang anaa na usab ge impound ang usa ka Mitsubishi Fuso truck, apil na ang 31 kabuok sa tag 500 pesos nga boodle money nga gigamit isip sa buy-bust money
Matud pa sa mga kapolisan ang mga nakumpiskar nga mga produkto sa sigarilyo mobalor sa total nga 7,792,800.00. Milyones ka pesos.
Sumala pa nga ang maong operasyon may kalabot na sa gipaninguha sa kapolisan nga panglimbasugan ug gihingusgan, inubanan sa paningkamot sa PRO 9 sa pagpakgang sa ilegal nga paghupot sa tabako ug mapalipdan ang mga panglawas sa matag katawhan aron masiguro sa pagsunod sa mga balaod nga adunay graphic nga makita sa kaha niini, nga adunay mga pasidaan sa panglawas nga nakabutang sa pakete sa matag sigarilyo. (Angelica T. Obina)
(Source: PRO9)