Ang Penitential Walk with Mary, usa ka bahin sa ika-460 nga selebrasyon sa Fiesta Señor sa Cebu City, nagsugod karong adlawa, Biyernes, Enero 17, 2025, sa alas 4:00 sa buntag.
Ang prosisyon nagsugod sa Fuente Osmeña Circle ug nagpadayon ngadto sa Basilica Minore del Santo Niño de Cebu.
Liboan ka mga deboto ang mitambong sa maong kalihokan, nga nagpakita sa ilang pagtuo ug debosyon ni Mama Mary.
Aron masiguro ang kaluwasan sa mga partisipante, kapin sa 1,400 ka mga pulis ang gideploy aron magbantay sa seguridad atol sa Penitential Walk with Mary ug Traslacion 2025.
Ang Penitential Walk with Mary usa lamang sa daghang mga kalihokan nga gipahigayon sa selebrasyon sa Fiesta Señor 2025, nga naglakip usab sa Penitential Walk with Jesus, Traslacion, ug uban pang mga relihiyosong aktibidad. (Renante Socia Lada)