Kapin 300 ka jobseekers gikan sa Dipolog ug kasikbit nga mga lungsod ang midagsa sa Handog ng Pangulo: Serbisyong Sapat Para sa Lahat Job Fair sa Zamboanga del Norte Cultural and Sports Center niadtong Setyembre 13, 2025.
Gipasiugdahan sa Department of Labor and Employment (DOLE) – Zamboanga del Norte Field Office, uban ang Provincial Government of Zamboanga del Norte, ang kalihokan nga gitambongan sa 20 ka employers—17 ka local firms ug 3 ka overseas recruitment agencies. Naghatag kini og 1,906 ka bakanteng posisyon: 360 alang sa lokal nga trabaho ug 1,546 alang sa overseas employment.
Sa pagtapos sa kalihokan, 211 ka aplikante ang nakapasar sa kwalipikasyon. 57 ang na-hire dayon on the spot, samtang 46 pa ang giila nga near hires alang sa dugang nga ebalwasyon.
Usa sa nadawat dayon mao si Queenie Mae L. Bohol, bag-ong graduate sa Business Administration sa St. Estanislao Kostka College Inc. sa Manukan. Nadawat siya isip cashier sa Worklynx Manpower sa iyang pinaka-unang interbyu sa job fair.
Matud ni DOLE ZDNFO Chief Aileen B. Mondejar, ang job fair nagpamatuod sa pasalig sa gobyerno sa paghatod og oportunidad sa katawhan ug sa pagpaduol sa serbisyo aron dili na kinahanglan mobiyahe layo ang mga aplikante.
Gawas sa job matching, gipahigayon usab ang payout nga nagkantidad og ₱72,450 alang sa 22 ka Government Internship Program (GIP) beneficiaries, ug turnover sa ₱13.3 milyon nga sweldo alang sa 2,311 ka TUPAD beneficiaries. Dugang pa, nitunol ang DOLE og ₱2.2 milyon livelihood grant ubos sa DOLE Integrated Livelihood and Emergency Employment Program (DILEEP), nakabenepisyo sa 70 ka mag-uuma ug 30 ka exited 4Ps beneficiaries.
Mipasabot ni Governor Darel Dexter T. Uy nga ang kalihokan usa ka “bulawanong oportunidad” alang sa mga Zanortehanon ug nagpamatuod nga naghiusa ang gobyerno aron walay mabiyaan sa paglambo.
Source: DOLE IX, ZAMBO. DEL NORTE FIELD OFFICE