Kapin sa usa ka gramo sa ilegal na drugas ang malampusong nakumpiska gikan sa usa ka drug suspek atol sa gipatoman nga Anti-illegal drug operation niadtong Agosto 30,2026,didto sa Brgy. Poblacion, Baliguian Zamboanga del Norte.
Ang nakumpiska nga ilegal na drugas sa nasangpit nga drug suspek mutimbang sa gibana-bana nga 1.11 gramos nga adunay gibanabanang kantidad nga Php 7,548.00.
Ang pagkasikop sa suspek ug pagkakumpiska sa drogang shabu gihimo pinaagi sa mga personahe sa Baliguian MPS uban sa mga personahe gikan sa 2nd ZNPMFC, 905th MC, RMFB 9, ug CCOY 97IB.
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa ilegal nga droga aron mapanalipdan ang atong komunidad.(MEDALYN U. BORJA)
Source: PNP Baliguian Municipal Police Station