Usa ang lungsod sa Dipolog sa mga lokal nga pangagamhanan sa nasud nga mipirma sa Mayors’ Compact on Reducing Marine Plastics, nga gipahigayon sa Mayors’ Conference on Reducing Marine Plastics niadtong Oktubre 22, 2025, sa Manila.
Ang maong kasabutan nagpasabot sa panaghiusa sa mga alkalde ug lokal na mga lider sa pagpakunhod sa basura nga plastik sa kadagatan, aron maprotektahan ang mga baybayon ug kinaiyahan.
Mitigom ang maong conference sa mga opisyal gikan sa Bulan, Sorsogon; Calbayog City, Samar; Daanbantayan, Cebu; Tandag City, Surigao del Sur, ug ang Dipolog City, Zamboanga del Norte.
Pinaagi sa pakigtambayayong sa Partnerships in Environmental Management for the Seas of East Asia (PEMSEA) ug mga Local Government Unit (LGU), gilauman nga mas mapalig-on pa ang mga programa sa paglimpyo ug pagpanalipod sa kadagatan batok sa polusyong plastik, usa ka dako nga lakang alang sa mas limpyo ug luwas nga dagat sa umaabot.(Iken B. Gullem)
Photo courtesy: via Dipolog ENRO