Sa paningkamot nga mapalig-on ang koordinasyon sa seguridad ug kalamboan sa probinsya, mibisita si PLTCOL Reydante E. Ariza, Acting Provincial Director sa Zamboanga del Norte Police Provincial Office, kang Adrian Michael Amatong, representante sa 3rd Congressional District sa Zamboanga del Norte, alang sa usa ka courtesy visit nga nagtumong sa pagpalig-on sa panagtambayayong sa duha ka opisina.
Atol sa panagtagbo, gihisgutan ang mas hugot nga kolaborasyon sa pagpalambo sa kalinaw ug kahapsay, pagpanalipod sa kaluwasan sa publiko, ug pagpalig-on sa mga programa sa komunidad sa tibuok Zamboanga del Norte.
Gipasiugda usab sa duha ka opisina ang ilang padayon nga paningkamot sa pagtinabangay, aron mas mapalapdan ang mga programa nga nagpalig-on sa seguridad ug kaayohan sa komunidad.(IKEN B. GULLEM)
Source: Zamboanga del Norte Police Provincial Office