Gibisita sa kawani sa Assistant Chief of Staff for Operations (GE), Reserve Command, Philippine Army, nga si COL ARNOLD D LOZADA GSC (INF) PA, uban sa partido niini ang 902nd Community Defense Center (902CDC) alang sa pagsusi sa bag-ong gisugyot nga Mobilization Center didto sa Camp Domingo C. Sagario, Brgy. Punta Blanca, Manukan, Zamboanga del Norte, niadtong Marso 15,2026.
Ang maong pagbisita gihimo pinaagi pagdawat ni COL MANDY T LIBERTINO ART (GSC) PA, Direktor sa 902CDC team niini kauban ang mga enlisted personnel ug reservist sa unit.
Si COL LIBERTINO mipresentar ug usa ka briefing nga nagpasiugda sa mahinungdanong mga inisyatibo sa sentro nga nakatutok sa pagpalig-on sa kalamboan, organisasyon, ug kaandam sa operasyon sa Reserve Force sa Zamboanga del Norte,tumong aron mapalambo ang kapabilidad sa mga yunit sa pagdumala, pagbansay, ug pagpalihok sa mga reservist sa panahon sa nasudnong panginahanglan.
Ang partido nagpahigayon og inspeksyon ug site tour sa gisugyot nga mga pasilidad sa Mobilization Center, pagkahoman sa nasangpit nga briefing.
Sa pagtapos sa pagbisita si COL LOZADA nagpahayag sa iyang pasalamat ngadto sa mga personahe ug mga reservist sa 902CDC alang sa ilang dedikasyon, propesyonalismo, ug mainit nga pagdawat, ilabi na sa pagsuporta sa umaabot nga mga kinahanglanon sa mobilisasyon.
Nagpasiugda alang sa kamahinungdanon nga pagpadayon sa mga paningkamot sa pagtukod sa usa ka responsive ug andam sa misyon nga Reserve Forces.(MEDALYN U. BORJA)
Source: 902nd Community Defense Center Zamboanga del Norte