Nagkahiusa ang mga lider-kababayen-an sa nagkadaiyang barangay sa Dapitan City aron mas mapalig-on ang mga programa ug mas mapakusog ang partisipasyon sa kababayen-an sa kalamboan sa siyudad, atol sa gipahigayong 1st Quarter Meeting sa Katipunan ng Liping Pilipina (KALIPI), didto sa Amphitheater sa Government Center.
Gipangulohan ang maong tigom ni City Social Welfare and Development Officer Marilyn S. Sy ug KALIPI City Federation President Ma. Rosa Arcella. Miusab ang mga bag-ong napiling KALIPI presidents gikan sa nagkadaiyang barangay sa siyudad.
Gihisgutan sa tigom ang pag-reorganisa sa mga barangay chapters pinaagi sa pagpili og bag-ong mga opisyal ug pag-update sa listahan sa mga miyembro. Gipaila-ila ug gi-orient ang mga bag-ong presidente kabahin sa ilang mga responsibilidad ug sa umaabot nga mga proyekto.
Lakip usab sa gihisgutan ang inisyal nga mga plano alang sa selebrasyon sa National Women’s Month 2026 aron masiguro nga mapalig-on ang mga kalihokan para sa kababayen-an.
Ubos sa liderato ni Mayor Evelyn Uy, nagpadayon ang suporta sa lokal nga gobyerno sa mga programa sa KALIPI. Samtang, gipakita sa maong tigom ang padayong paningkamot sa organisasyon sa pagpalambo sa kahimtang sa kababayen-an ug sa komunidad sa Dapitan City.(IKEN B. GULLEM)
Source: City Government of Dapitan