Dungan nga masinati sa mga football fans sa Zamboanga del Norte karong adlawa ang kahinam sa FIFA World Cup 2026 Quarterfinals pinaagi sa usa ka watch party nga ipahigayon sa Zamboanga del Norte Convention and Exhibition Center (ZNCEC).
Sentro sa kalihokan ang gipaabot nga duwa tali sa Argentina ug Switzerland, nga ipasalida sa dako nga screen sugod alas-9:00 sa buntag sa Plenary Hall, Ground Floor sa ZNCEC.
Gilauman nga magtigom ang mga supporters ug football enthusiasts aron dungan nga mosuporta sa ilang paboritong koponan ug makigbahin sa atmospera sa panaghigalaay ug sportsmanship.
Gidapit ang publiko nga motambong uban sa ilang pamilya ug mga higala aron mahimong kabahin sa maong selebrasyon sa usa sa labing gipaabot nga mga duwa sa FIFA World Cup 2026.(IKEN B. GULLEM)
Source: Zamboanga del Norte Provincial News Network