Upat ka nagpadayong dagkong infrastructure projects sa Dipolog City ang gisusi kaniadtong Hunyo 10 sa Project Monitoring Committee niadtong Hulyo 10 aron masiguro ang kalidad sa implementasyon ug husto nga paggamit sa pondo sa publiko.
Lakip sa gi-inspeksyon ang pagtukod sa standard two-storey building ug multi-purpose building sa Department of Public Works and Highways (DPWH) Zamboanga del Norte 2nd District Engineering Office, ang konkretong dalan nga nagdugtong sa Lugdungan ngadto sa Isis ug sa Junction 3003 Steps paingon sa Linabo Peak hangtod sa Tulwanan Village (Old Town Site), ug ang upstream ug downstream flood control structures sa Punta River.
Gipangulohan sa City Planning and Development Office ang maong monitoring uban ni City Planning and Development Coordinator Engr. Albert S. Alimpulos, City General Services Officer Edelaine L. Aya-ay, City Engineer Engr. Susan B. Ualat, Engr. Ma. Charel M. Cabantug, CESCOD Project Monitoring Committee Chair Rev. Fr. Enrico V. Montano, ug uban pang mga miyembro sa komite.
Ang maong inspeksyon kabahin sa padayon nga paningkamot sa City Government of Dipolog sa pagpalig-on sa transparency, accountability, ug pagsiguro nga ang mga proyekto matuman sumala sa gitakdang kalidad ug mapuslan sa katawhan.(IKEN B. GULLEM)
Source: Dipolog City Government