Usa ka Road Security ug area security ang gipatuman sa mga personahe sa 7th Zamboanga del Norte CAFGU Active Auxiliary (ZN-CAA II) Company atol sa abli sa Kinabayo Festival 2026 sa Dapitan niadtong Hulyo 10,2026.
Ang maong kalihokan opisyal nga gisugdan sa alas-3:00 sa hapon pinaagi sa usa ka dakong parada ug motorcade nga gisalmotan sa nagkalain-laing grupo, mga lokal nga opisyal, ug mga partisipante sa festival.
Gipakatap ang mga personahe alang sa estratehikong siguridad subay sa mga rota ug mga importanteng lugar aron masiguro ang kaluwasan, hapsay nga dagan sa trapiko, ug malinawon nga pagpahigayon sa kalihokan.
Pabilin ang 7th ZN CAA-II Company sa ilang dedikasyon sa paghatag og kasaligang seguridad ug pagmintinar sa kalinaw ug kahapsay isip suporta sa mga kalihokan sa komunidad ug mga programa sa lokal nga kagamhanan.(MEDALYN U. BORJA)
Source: Scaa Zamboanga del Norte