Nagtagbo si Zamboanga del Norte Maritime Police Station (MARPSTA) Chief PCPT Allan S. Pestañas uban sa iyang delegasyon ug si City Agriculturist Engr. Kerr N. Porlas kang City Mayor Roberto Y. Uy sa City Mayor’s Office kaniadtong Enero 27, 2026 aron hisgutan ang kasamtangang kahimtangan sa baybayon sa Dipolog City.
Gipunting sa panaghisgot ang mga regulasyon sa pangisda ug ubang kabalak-an sa coastal management, ilabina ang hustong pagpatuman sa balaod aron mapanalipdan ang yamang-dagat.
Gihatagan og gibug-aton ang panaghiusa ug koordinasyon sa nagkalain-laing ahensya alang sa malungtarong panginabuhian sa mga mangingisda ug pagpreserba sa marine resources sa siyudad.(IKEN B. GULLEM)
Source: Dipolog City Government