Kinatibuk-ang 230 ka mga barangay frontliners ang nakabenepisyo sa Honorarium Payout Program nga gipahigayon sa Probinsyal nga Pangagamhanan sa Zamboanga del Norte ilawom sa liderato ni Governor Darel Dexter T. Uy, pinaagi sa Provincial Social Welfare and Development Office ug Provincial Health Office kaniadtong Enero 27, 2026.
Sa lungsod sa Piñan, 70 ka benepisyaryo ang nakadawat og honorarium nga gilangkuban sa 23 ka Child Development Workers (CDW), 25 ka Barangay Health Workers (BHW) ug 22 ka Barangay Nutrition Scholars (BNS).
Samtang sa lungsod sa Rizal, 160 ka barangay frontliners ang nakabenepisyo, lakip ang 116 ka (BHW), 22 ka (BNS) ug 22 ka (CDW).
Kini nga payout kabahin sa annual honorarium base sa serbisyo sa tuig 2025, diin matag benepisyaryo nakadawat og ₱3,600 isip pasidungog ug suporta sa ilang padayon nga pag-alagad sa komunidad.(IKEN B. GULLEM)
Source: Zamboanga del Norte Provincial News Network