Nagpahigayon og Final Survey presentation ang Department of Agrarian Reform (DAR) Zamboanga del Norte, didto sa Sirawai nga gipangulohan ni PARPO II Daisy Dell Suan Digamon, isip kabahin sa padayon nga paningkamot sa ahensya sa pagpalig-on sa Land tenure security sa probinsya.
Gipresentar sa kalihukan ang mga resulta sa survey sa mga yutang sakop sa agrarian reform, nga gitumong sa paghatag klaro ug hustong impormasyon sa mga benepisyaryo ug stakeholders. Ang maong kalihukan gihimo uban sa kooperasyon sa LGU Sirawai, ubos sa pagpangulohan ni Mayor Aljazar Janihim.
Atol sa miting, gituki ang nagkalain-laing isyu ug teknikal nga pangutana, nga natubag pinaagi sa tinabangay nga diskusyon tali sa DAR, LGU, ug mga hingtungdan nga sektor. Giila sa DAR ZDN ang dakong papel sa lokal nga pangagamhanan sa malampusong pagpatuman sa mga programa sa agrarian reform sa lungsod.
Gipahayag sa DAR ang padayon nga panaghiusa sa LGU Sirawai aron masiguro ang episyente ug malungtarong pagpatuman sa mga proyekto alang sa kaayohan sa mga mag-uuma.(IKEN B. GULLEM)
SOURCE: DAR ZAMBONORTE