Gihatagan og giya sa Dipolog City Police Station ang mga Grade 11 students sa Miputak National High School pinaagi sa Barangay Miputak Intervention and Diversion Workshop Program aron mapalig-on ang ilang responsableng pamatasan ug pagkalungsoranon.
Gipahigayon ang kalihokan sa Barangay Miputak Hall ug gipangulohan ni PLT Noriel S Bagalanon, CAD Officer, uban sa mga kapulisan sa estasyon.
Atol sa workshop, gipaambit sa mga kapulisan ang kahinungdanon sa maayong pamatasan, disiplina, ug paghimo og husto nga mga desisyon aron malikayan ang pagkalambigit sa mga kabatan-onan sa sayop nga mga binuhatan.
Matud pa sa Dipolog City Police Station, kabahin kini sa ilang padayon nga programa sa paggiya ug pag-amuma sa kabatan-onan pinaagi sa lig-on nga panag-uban sa barangay ug sa sektor sa edukasyon.(IKEN B. GULLEM)
Source: PNP Dipolog City Police Station