Gitambongan sa Coast Guard Station Commander sa Zamboanga del Norte nga si LTJG Sonny Philip E Habal PCG, ang gipahigayon nga 2026 Summit alang JRMSU University-Wide Stakeholders nga gipahigayon sa CNAHS Audio-Visual Hall, Jose Rizal Memorial State University – Dapitan Campus, Dapitan City, niadtong Marso 23, 2026.
Ang maong summit subay sa tema nga “JRMSU Stakeholders Summit 2026: Co-Creating Partnerships for a Future-Ready and Sustainable Region,”diin kini nga kalihokan nahisunod sa Vision 2030 ug Strategic Plan 2025-2030 sa JRMSU.
Gihiusa niini ang mga lider gikan sa mga ahensya sa gobyerno, industriya, academe, alumni network, ug mga organisasyon sa komunidad ug gi partisiparan usab sa Coast Guard Station Zamboanga del Norte nga padayong nipasiugda sa ilang pasalig sa pagsuporta sa kaluwasan, seguridad, ug malungtarong kalamboan pinaagi sa inter-agency cooperation ug community engagement.
Alayon nga mapadayon ang kolaborasyon ug mapaambit ang mga responsibilidad sa pagpauswag sa malungtarong kalamboan ug kabag-ohan sa rehiyon.
Usa ka kalihokan nga magsilbing plataporma alang sa pagpalambo sa makahuluganon nga dayalogo, pagpalig-on sa panag-uban, ug pagsubay sa mga inisyatibo ngadto sa rehiyonal ug nasudnong mga prayoridad sa kalamboan.(MEDALYN U. BORJA)
Source: CGS Zambonga del Norte