Malampusong napahigayon ang usa ka Joint meeting sa mga kawani sa Office of the Senior Citizens Affairs (OSCA) ug sa Federation of Senior Citizens Associations of the Philippines (FSCAP) didto sa 2nd Floor Plenary Hall sa ZN Convention and Exhibition Center (ZNCEC) ning dakbayan sa Dipolog, niadtong Marso 14,2026.
Ang maong kalihokan gitambongan sa mga opisyales gikan sa 27 ka mga siyudad ug lungsod dinhi sa Zamboanga del Norte.
Sa maong tigom gipresentaran sa PDO 1 sa SWADT Dipolog pinaagi ni G. Ian Christ Gahisan, ang mga importanteng updates sa Social Pension Program for Senior Citizens, naghatag ug bililhong impormasyon sa pagpatuman sa programa ug mga benepisyo alang sa sektor sa mga tigulang.
Nahimong highlight usab sa nasangpit nga panagtapok mao ang pagpili sa bag-ong set sa Federation Officers sa OSCA ug FSCAP, nga maoy mangulo ug morepresentar sa mga senior citizens sa tibuok probinsya.
Dugang pa gihisgotan usab sa mga opisyales ug mga partisipante ang pagtapos nga mga plano karong Oktubre 2 ning tuiga nga maong ang Elderly Week Celebration.
Kini nga panagtigom nagsilbing importanteng plataporma aron mapalig-on ang koordinasyon sa mga lider sa lokal nga senior citizens ug aron magpadayon pa ang kalamboan sa mga programa ug serbisyo ngadto sa mga katiguwangan dinhi sa Probinsya.(MEDALYN U. BORJA)
Source: PSWDO ZDN