Gipahigayon sa Philippine National Police pinaagi sa 1st Zamboanga del Norte Provincial Mobile Force Company ang ISO Refresher Program aron mapalambo ug mapalig-on ang operational skills ug kahibalo sa mga personnel sa ilang pagpatuman sa katungdanan.
Ang maong tulo ka adlaw nga programa gipasiugdahan ubos sa pagdumala ni Ryan Jay R. Capurcos, Force Commander, diin gipaabot ang refresher training aron masiguro nga andam ug kompetente ang mga kapulisan sa nagkalain-laing operasyon sa field.
Sa unang adlaw sa kalihokan, gihisgutan ang mga importanteng hilisgutan sama sa map reading ug land navigation, intelligence, ug firearms capability. Gitumong niini nga mapalig-on ang kahibalo sa mga personnel sa pagplano ug pagpatuman sa mga operasyon, lakip na ang husto nga pag-analisar sa impormasyon ug paggamit sa armas.
Human sa mga lecture, gisundan kini og practical exercises ug demonstrations aron mapraktis dayon sa mga partisipante ang ilang nakat-unan. Pinaagi niini, gilauman nga mas mapalig-on ang kahanduman ug abilidad sa mga personnel sa pagserbisyo ug pagpanalipod sa komunidad.(JENIFFER JR. DELICA)
Source: Zamboanga del Norte 1st Provincial Mobile Force Company