Gibisita ni Mayor Glona karong Lunes ang padayong pag-uswag sa Sindangan Memorial Park nga nahimutang sa Barangay RG Macias, Sindangan, Zamboanga del Norte, aron personal nga masusi ang kahimtang ug siguruhon nga ang proyekto nagpadayon sumala sa plano.
Kauban niya si Municipal Engineer Engr. Bonnie Molina sa pagmonitor sa kalidad, kaluwasan, ug pagpadayon sa maong proyekto. Ang inisyatiba nga gisugdan sa kanhi Mayor Rosendo “Dodoy” Labadlabad nagpadayag sa tinuoray nga paningkamot ni Mayor Glona sa pagpadayon sa legasiya nga naghatag og malinawon ug disente nga pahulayan alang sa mga Sindanganon.(JENIFFER JR. DELICA)
Source/Photo Courtesy: Local Government Unit of Sindangan