Mihamtong sa pagpanigbas ang init nga panaglalalis sa usa ka 23 anyos nga lalaking suspek mga alas 10:30 sa gabii niadtong Septiyembre 13, 2026,didto sa Purok 4, Barangay Calube, Sibutad, Zamboanga del Norte.
Nasayran nga ang insidente gitaho sa Sibutad Municipal Police Station mga alas 11:30 sa gabii nga daling girespondehan sa mga personahe mga alas 11:35 sa gabii, o sulod sa lima ka minuto gikan sa oras nga gitaho ang insidente.
Sa inisyal nga imbestigasyon nagbutyag nga ang suspek nag-inom uban sa mga kauban sa usa ka balay sa dihang nahitabo ang panaglalis human sa usa ka arm-wrestling match.
Samtang usa ka 39 anyos nga lalaking biktima, kinsa nakasaksi sa panaglalis ang mipatunga nga giingong giatake sa suspek human kini mikuha og sundang gikan kaniya ug gibunalan siya sa ibabaw nga bahin sa ulo, nga hinungdan sa mga kadaot.
Ang biktima gidala dayon sa Sibutad Municipal Hospital alang sa medikal nga pagtambal.
Samtang ang suspek daling nasikop sa Sibutad MPS ug nabawi gikan sa suspek ang sundang nga giingong gigamit atol sa insidente.
Ang suspek anaa na karon sa kustodiya sa pulisya alang sa hustong disposisyon ug pagpasaka sa angay nga reklamo.(MEDALYN U. BORJA)
Source: ZNPPO