Gipahigayon ang “Inauguration and Blessing” sa Hemodialysis Clinic sa Corazon C. Aquino Hospital (CCAH) Disyembre 7 ning tuiga, diin moabot ngadto sa 12 ka mga dialysis machines ang nahimutang sulod sa equipped clinic.
Atol sa usa ka yanong programa, si Mayor Darel Dexter T. Uy nipadayag sa iyang pasalamat ngadto kang kanhi Provincial Governor Roberto Y. Uy kanhi Bise Gov Senen O. Angeles, karon vice mayor sa Dipolog ug Rotary Club-Dipolog Chapter, sa pagdonar sa maong mga dialysis machines ngadto sa lokal nga kagamhanan sa Dipolog.
Matod niya, ang inisyatiba sa mga nahisgutan maoy timailhan nga naghatag kini ug importansya sa kahimtang sa panglawas sa katawhan. Nagpasalamat usab ang mayor sa mga kawani, doktor ug nars sa CCAH sa padayon nilang pagserbisyo sa mga pasyente.
Uban ni Dr Bless A. Dadula (DPPS) nga maoy Hospital Administrator-Designate mihatag ug pag-ila kang kanhi Dipolog City Mayor Evelyn T. Uy tungod kay ang CCAH natukod sa paningkamot sa kanhi mayor.
Ang yano nga inagurasyon gipahigayon usab ang ribbon cutting samtang ang nag-officiate sa blessing mao si Rev. Fr. Raule L. Paminawa ang Parochial Vicar sa Diocese of Dipolog.
(Source: Dipolog City Government Facebook page)