Dipolog City – Napuno og pasalamat ang usa ka inahan human malamposong naoperahan ang iyang 8 anyos nga anak pinaagi sa tabang pinansyal sa probinsya ilalom sa Assistance to Individuals in Crisis Situation o AICS.
Si Lesley Ann Alderite, residente sa Barangay Gulayon, nakadawat og Php20,000 nga ayuda gikan sa administrasyon ni Darel Dexter Uy aron matabangan ang gastusin sa operasyon sa bata nga giatiman sa Corazon C. Aquino Memorial Hospital.
Sumala sa inahan, ang bata nakakaon og cellophane nga hinungdan sa komplikasyon sa iyang tinae ug nanginahanglan dayong operasyon niadtong Pebrero 12. Nakagawas sila sa ospital niadtong Pebrero 20 human sa malampusong pag-opera.
Ang AICS usa sa mga programa sa probinsya nga naghatag og tabang pinansyal sa mga residente nga nag-atubang og emerhensyang medikal, kabahin sa padayon nga serbisyo sa panglawas alang sa katawhan sa Zamboanga del Norte.(JENIFFER JR. DELICA)
Source: Zamboanga del Norte Provincial News Network